მენტალური ჯანმრთელობის სერვისი უზრუნველყოფს ბავშვთა და მოზარდთა ამბულატორიულ მომსახურებას. სერვისის ბენეფიციარები არიან ბავშვები და მოზარდები, რომელთაც აღენიშნებათ ნევროზული ან ფსიქოზური აშლილობები, განვითარების დარღვევები.

ყოველივე ზემოთჩამოთვლილი შესაძლებელია გამოვლინდეს სხვადასხვა ფორმით და სიღრმით გამოხატული ემოციური და ქცევითი პრობლემებით.

ჩვენი დეპარტამენტი უზრუნველყოფს დიაგნოსტიკის სრულ პაკეტს, რომელიც საშუალებას იძლევა ინდივიდუალურად იქნას შერჩეული დახმარების გეგმა თითოეული ბავშვისა თუ მოზარდისთვის.

დეპარტამენტი არის აუტიზმის მქონე ბავშვთა დახმარების პირველი სერვისი საქართველოში, რომელიც ფლობს აუტიზმის დიაგნოსტიკისა და მართვის თანამედროვე, მსოფლიოში აპრობირებულ ისეთ მეთოდებს, როგორებიცაა ADOS, ADIR და ABA, რომლებიც ჯერჯერობით ევროპის ბევრ ქვეყანაშიც კი არ არის დანერგილი.

აქ დაინერგა აუტიზმის მქონე პირთა მდგომარეობის მართვის სისტემური, ოჯახურ მიდგომაზე დამყარებული პრინციპები, რაც გულისხმობს ფსიქოლოგიური დახმარების აღმოჩენას არა მხოლოდ ბავშვისთვის, არამედ მშობლისათვისაც, რაც ესოდენ მნიშვნელოვანია მთელი ოჯახის ნორმალური ფუნქციონირებისთვის.

სპეციალისტთა მულტიდისციპლინურ გუნდში მუშაობენ: ფსიქიატრი, ფსიქოლოგი, ფსიქოთერაპევტი, არტ-თერაპევტი (ხელოვნებით თერაპევტი), ქცევითი თერაპევტი, ფიზიკური თერაპევტი, ოკუპაციური თერაპევტი, მეტყველების თერაპევტი, სენსორული თერაპევტი.

დეპარტამენტის სპეციალისტთა გუნდს განათლება და სერტიფიცირება მიღებული აქვს როგორც ადგილობრივ უმაღლეს სასწავლებლებლებში, ასევე ამერიკის შეერთებული შტატებისა და ევროპის მოწინავე უნივერსიტეტებში, როგორებიცაა: მაიამის უნივერსიტეტი, ფლორიდის ტექნიკური უნივერისტეტი, ვილნიუსის უნივერსიტეტი, კემბრიჯის უნივერსიტეტი, ლონდონის პირსონის კოლეჯი და სხვ.