ნეიროგანვითარების ცენტრის ქცევით-თერაპევტის, სუპერვაიზერის შორენა სუხიშვილის #დღისრჩევა

თითქმის ყველა ცოცხალი არსება, ეს იქნება ადამიანი, ცხოველი თუ ფრინველი, რომელიც გარკვეული ქცევით მისთვის სასურველ შედეგს მიიღებს, უფრო ადვილად დაისწავლის ამ ქცევას და უფრო ხშირად გამოავლენს მას.

მაგალითად თუ ჩვენ დავიყვირებთ და ამ დროს ციდან 100 დოლარიანი კუპიურა ჩამოვარდება, ჩვენი ყვირილის ქცევა სავარაუდოდ გახშირდება და ისევ დავიყვირებთ, ალბათ უფრო ხმამაღლაც კი. სწორედ ასევე ფიქრობენ ბავშვებიც, თუ მიხვდნენ რომ „სკანდალის“ მოწყობას ერთხელ მაინც მოჰყვა მათთვის სასურველი შედეგი, მაგალითად მაღაზიაში რაიმე სათამაშოს ყიდვა, მაშინ მზად იყავით რომ შემდეგი ვიზიტიც, იგივე შედეგით დასრულდება და ეს სულაც არ იქნება მისი „ნერვიული ბავშვობის“ ბრალი.

თქვენ ეს-ეს არის თავად ასწავლეთ როგორ აჯობებს, რომ მოიქცეს სასურველი შედეგის მისაღწევად. ამიტომ ყურადღება მიაქციეთ, იმას თუ რას აკეთებს ბავშვი და რისი მიღწევა სურს მას ამით, რადგან სწორედ ამაზეა დამოკიდებული კვლავ გამოვლინდება თუ არა ეს ქცევა მომავალში.

info@ndc.ge
(+995 32) 252 78 89
(+995 568) 01 33 99